Policia hungareze ka arrestuar në aeroportin e Budapestit një grua të moshuar nigeriane, e cila ka tentuar të kontrabandojë pothuajse një kilogram kokainë, të cilën e kishte gëlltitur.
Zëdhënësi i policisë i ka thënë agjencisë hungareze MTI se gruaja kishte ardhur nga Holanda.
Pas kontrollit, ajo u është bërë e dyshimtë doganierëve, të cilët i kanë thënë se duhet t’i nënshtrohet skanimit. Skaneri ka dëshmuar se ajo kishte gëlltitur 83 kapsula në të cilat në përgjithësi ishin 926 gramë kokainë dhe amfetaminë, shkruajnë sot agjencitë e lajmeve.
Tue Aug 25, 2009 7:00 am