Britanikja e painformuar sa duhet në gjuhën franceze e ka kaluar natën në mes të premtes e të shtunës në shtëpinë e qytetit në Dannemarie pasi që në ndërtesë shkruante “Hotel de Ville” (Këshilli i Qytetit) dhe ka menduar se ishte hotel.
Gruaja rreth moshës 30-vjeçare ka hyrë të premten në mbrëmje në ndërtesë duke menduar se është hotel, e cila ishte e hapur për shkak të takimit që mbahej atje.
"Kur kanë dalë, njerëzit kanë dëgjuar ushtimën e ujit në tualet por nuk ia kanë vënë veshin dhe i kanë mbyllur dyert pas vetes", ka thënë për agjencinë e lajmeve France Press kryetari i Dannemarie, një vendi me rreth 2.500 banorë.
Kur e ka kuptuar se është e mbyllur, turistja i ka ndezur të gjitha dritat për të tërhequr vëmendjen, por ende nuk e kishte të qartë se ku ishte. Më vonë në dritare e ka vendosur një porosi e cila shkruante: "22.08.2009. E mbyllur në tualet. A mundet dikush të hap dyert?", dhe në fund ka fjetur në kolltukun në korridor.
Gruan e re e ka “liruar” të shtunën në mëngjes vet kryetari i komunës të cilin e kishte lajmëruar një kalimtare e rastit e cila e kishte parë porosinë.
Tue Aug 25, 2009 6:55 am